Маңғыстау облысының әмбебап кітапханасы : Ұмытылмас кездесулер : Қазақстанның "Құрметті Ардагер теміржолшысы" Алдаберген Амандық Қалиұлымен кездесу кеші

Қазақстанның "Құрметті Ардагер теміржолшысы" Алдаберген Амандық Қалиұлымен кездесу кеші

0
Оқылған саны: 249

25-қаңтар күні облыстық кітапхана техникалық әдебиеттер бөлімінде майталман теміржолшы, Қазақстанның "Құрметті Ардагер теміржолшысы", "ҚР Журналистер Одағының" мүшесі, Мұнайлы ауданының "Құрметті азаматы", "Құрмет белгісі" Ордені және 20-дан астам медалдың иегері Алдаберген Амандық Қалиұлымен кездесу кеші өтті

Алдаберген Амандық Қалиұлы – Маңғыстау облысының теміржолы туралы кітап жазған бірден-бір авторы: "Маңғыстаудың күре тамыры", "Теміржолдың түп қазығы", Махаббат өрімі", "Өмір мен аңыз", "Өмір өрнектері"," Жұлдыздай аққан жылдар-ай", "Шешілген түйін", "Түбекті түлеткен теміржол", "Жоли баба" және "Аманат".

Кездесу кешіне ардагер-теміржолшылар, журналистер мен жазушылар, мемлекеттік қызметкерлер – О.Көшбайұлы, М.Қибасов, Ү.Жәлеке, У.Қожахмет Шабайұлы, Д.Аралбай, С.Төлетов, Ч.Әбіловтер келіп тағылымды әңгімелерін айтып, ақ тілектерін жеткізді. Маңғыстау облысының теміржолының тарихы жөнінде мәнді, мағыналы мәліметтер айтылды.

Іс-шараға, сонымен бірге, ҚР ҰҚК ШҚ Маңғыстау облысы бойынша департаментіне қарасты Қарақия аудандық шекара басқармасының сарбаздары және М.Тынышбаев атындағы колледждің студенттері қатысты. Ал, А.Алдаберген, А.Ғабитқызы кеш кейіпкерінің өлеңдерін оқыды. Кездесуге келгендер ардагер теміржолшы, жазушы Амандық Қалиұлымен естелік суретке түсті.